Səlahiyyətli nümayəndə şəhid ailələrini ziyarət edib - FOTOLAR

Səlahiyyətli nümayəndə şəhid ailələrini ziyarət edib.

NUHÇIXAN xəbər verir ki, sentyabrın 27-də Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli şəhid ailələrini ziyarət edib.
Səlahiyyətli nümayəndə Şərur rayonunun Dizə kəndində və Culfa şəhərində Vətən müharibəsi şəhidləri mayor Vüsal Vəliyevin və leytenant Yaqub Nəcəfovun, eləcə də Naxçıvan şəhərində antiterror əməliyyatları zamanı şəhid olmuş kapitan Elcan Bababəylinin ailə üzvləri ilə görüşüb, onların qayğıları ilə maraqlanıb.
Görüşlərdə ölkəmizin ərazi bütövlüyü uğrunda canını qurban vermiş şəhidlərimizin ailələrinə, qazilərimizə və müharibə iştirakçılarına olan diqqət və qayğının dövlətimizin sosial siyasətinin əsas istiqamətlərindən biri olduğu bildirilib. Qeyd edilib ki, Vətən müharibəsində qəhrəmanlıq göstərərək qanı ilə tarix yazan igid oğullarımızın adları Azərbaycan xalqının qəlbində yaşayacaq. 
Şəhidlərin ailə üzvləri övladları ilə bağlı xoş xatirələrini paylaşıb, onların qəhrəmanlıqları ilə fəxr etdiklərini qeyd edib, şəhid ailələrinə göstərilən dövlət qayğısını daim öz üzərlərində hiss etdiklərini və bundan qürur hissi keçirdiklərini vurğulayıb,  yaxşı yaşamaları üçün sosial təminatları ilə bağlı görülən bütün işlərə görə dövlətimizə minnətdarlıqlarını bildiriblər.