Şahbuz rayonunda “ Vətənpərvərlik həftəsi"nə yekun vurulub - FOTOLAR
NUHÇIXAN xəbər verir ki, Şahbuz rayonunda keçirilən “Vətənpərvərlik həftəsi” çərçivəsində ümumtəhsil məktəbləri şagirdlərinin rayon ərazisindəki muzeylərə ekuskursiyası təşkil olunub.
Şagirdlər Nursu kəndində olan xalq şairi Məmməd Arazın ev-muzeyində və Şahbuz rayon Tarix-Diyarşünaslıq Muzeyində olublar. Muzeylər haqqında şagirdlərə geniş məlumat verilib.
Sonra "Vətənpərvərlik həftəsi" çərçivəsində Şahbuz rayon Mədəniyyət Sarayında rayon gəncləri üçün film nümayiş olunub.
"Vətənpərvərlik həftəsi"inin sonuncu günü gənclər bağında iməcilik təşkil olunaraq bağa qulluq göstərilib.
Novruz Məmmədov