“Naxçıvan” Universitetində Novruz şənliyi keçirilib

NUHÇIXAN xəbər verir ki, “Naxçıvan” Universitetində  Novruz şənliyi keçirilib. Tədbirdə əvvəlcə  Novruz bayramının simvolu olan tonqal qalanıb.

Sonra Novruz bayramı haqqında tədbir iştirakçılarına geniş məlumat verilib. Qeyd olunub ki, Ulu öndərin hakimiyyətdə olduğu dövrlərdə xalqımız öz milli dəyərlərinə daha çox sahib çıxıb, mənəvi irsin zənginliklərinə dərindən yiyələnib.

Daha sonra Universitetin prorektoru Hüseyn Bağırsoylu bayram münasibətilə müəllim və tələbələri təbrik edib.

Tədbirin bədii hissəsində “Şən və hazırcavablar” kulubunun  üzvlərinin Novruzla bağlı hazırladıqları    şeirlər, rəngarəng musiqi nömrələri, Kosa və Keçəlin şən oyunları tədbir iştirakçılarına təqdim edilib.

Seyfur Hacımuradov