Ali təhsil ocağında Novruz bayramı qeyd edilib - FOTOLAR
NUHÇIXAN xəbər verir ki, Naxçıvan Müəllimlər İnstitutunda “Milli bayramımız – Novruz”a həsr olunan tədbir keçirilib. Açıq havada təşkil edilən bayram şənliyində İnstitutun rektoru Elbrus İsayev iştirakçıları – professor-müəllim və tələbə heyətini qarşıdan gələn Novruz bayramı münasibətilə təbrik edib. İnstitut kollektivi adından Naxçıvan Müəllimlər İnstitutuna göstərilən diqqət və qayğıya görə dövlət rəhbərliyinə minnətdarlığını bildirib.
Novruz tonqalı ətrafında kollektivin iştirakı ilə konsert proqramı, milli rəqsimiz olan “Yallı”, Novruz bayramına aid səhnəciklər göstərilib. Tədbir boyunca təsviri incəsənət ixtisasının tələbələrinin çəkdikləri şəkillər nümayiş olunub.