Şagirdlər “Naxçıvan” Universiteti ilə tanış olublar - FOTOLAR
“Ölkəmizi tanıyaq” maarifləndirici tur-aksiyası çərçivəsində ötən gün Bakı şəhərinin Sabunçu, Suraxanı, Nizami, Xəzər, Nərimanov və Pirallahı rayonlarının məktəblərindən 180 şagird Naxçıvan Muxtar Respublikasına gəlib.
Tur-aksiya çərçivəsində Bakı şəhərindən gələn şagirdlər Naxçıvan şəhərində yerləşən nüfuzlu ali təhsil müəssisələri ilə tanış olublar. “Naxçıvan” Universiteti ilə tanışlıq şagirdlərin marağına səbəb olub.
Ali təhsil ocağında şagirdlərə məlumat verilib ki, 1999-cu ildən fəaliyyət göstərən Universitetdə hazırda 4 fakültə, 10 kafedra, 6 şöbə var. 2015-ci il sentyabrın 15-də “Naxçıvan” Universiteti üçün inşa olunan yeni universitet şəhərciyi istifadəyə verilib.Universitet şəhərciyinə rektorluq binası, iki tədris korpusu, kitabxana, sosial xidmət mərkəzi, yataqxana, idman və konfrans zalları daxildir.
Qeyd olunub ki, yaradılmış möhtəşəm şərait nəticəsində ali təhsil ocağının tələbələrinin sayı hər il artır. Universitetdə təhsilin keyfiyyəti yüksəldilir, ixtisas fənləri üzrə elmi dərəcəsi olan müəllimlərə üstünlük verilir, tədris zamanı müasir təlim texnologiyalarından istifadə diqqətdə saxlanılır.
Seyfur Hacımuradov