Tinglik sahələrində minlərlə fidan yetişdirilir - FOTOLAR

NUHÇIXAN-ın məlumatına görə Naxçıvan Yaşıllaşdırma Xidmətinin kollektivi 845 hektara yaxın  yaşıllıq sahəsinə xidmət edir. Bu yaz günlərində  yaşıllıq sahələrinin  suvarılması, vaxtlı-vaxtında becərilməsi diqqətdə saxlanılır. Qeyd edək ki, ilin bütün fəsillərində xidmətin bağbanları park və yaşıllıqlarda mövsümə uyğun işlər aparırlar. Fidanların əkilməsi, ağacların qurumuş hissələrinin budanması kimi  aqrotexiniki tədbirləri vaxtında həyata keçirirlər.

Yaşıllaşdırma tədbirlərinin aparılmasında xidmətin tinglik sahəsinin mühüm rolu var. Tinglik sahəsinin ərazisi 4 hektardır. Burada əsasən meyvə tingləri, mövsümi və çoxillik gül şitilləri, eləcə də həmişəyaşıl ağac tingləri yetişdirilir.  Yaz əkinləri üçün burada 50 min ərik, 10 min badam, 1000 tut, 70 min həmişəyaşıl ting, 30 min gül kolu yetişdirilib.

Əbülfəz Dünyamalıyev