Su ehtiyatlarından səmərəli istifadənin təmin edilməsi ilə bağlı yaradılmış Komissiyanın heyəti Naxçıvana səfər edib - FOTOLAR
NUHÇIXAN xəbər verir ki, dekabrın 19-da “Su ehtiyatlarından səmərəli istifadənin təmin edilməsi ilə bağlı tədbirlər haqqında” Azərbaycan Respublikası Prezidentinin 15 aprel 2020-ci il tarixli Sərəncamı ilə yaradılmış Komissiyanın üzvləri Naxçıvan Muxtar Respublikasına səfər ediblər.
Komissiyanın sədri, Azərbaycan Respublikası baş nazirinin müavini Şahin Mustafayev, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov və komissiyanın üzvləri Ümummilli Lider Heydər Əliyevin Naxçıvan şəhərinin mərkəzi meydanında ucalan abidəsini ziyarət edib, ulu öndərin əziz xatirəsini dərin ehtiramla yad ediblər.