“Şahin” hərbi-idman oyununun qalibi müəyyənləşib - FOTOLAR
NUHÇIXAN xəbər verir ki, Culfa rayon tam orta məktəblərinin komandaları arasında “Şahin” hərbi-idman oyunu keçirilib.
Culfa rayon Gənclər və İdman İdarəsi, Təhsil Şöbəsi və Səfərbərlik və Hərbi Xidmətə Çağırış üzrə Dövlət Xidməti Culfa rayon İdarəsinin birgə təşkilatçılığı ilə keçirilən yarışda 10 komanda mübarizə aparıb.
Hərbi-idman oyununda komandalar sıra hazırlığı, darağa patron doldurulması və boşaldılması, avtomatın sökülməsi və yığılması, tüfəngdən hədəfə atəş açmaq, fiziki hazırlıq, maneələrin dəf olunması, mülki müdafiə hazırlığı və qərargah çadırının qurulması mərhələləri üzrə öz qüvvələrini sınayıblar.
Yekunda, Əbrəqunus kənd tam orta məktəbinin komandası I, Saltaq kənd tam orta məktəbinin təmsilçiləri II, Culfa şəhər 1 nömrəli tam orta məktəbinin komandası isə III yerə layiq görülüblər.
Qalib komandalar və müxtəlif növlərdə fərqlənən idmançılara təşkilatçılar tərəfindən kubok və diplomlar təqdim edilib.
Qeyd edək ki, I yerin qalibi olan Əbrəqunus kənd tam orta məktəbinin komandası aprel ayında keçiriləcək Naxçıvan Muxtar Respublika zona birinciliyində Culfa rayonunu təmsil edəcək.
Oruc Məmmədyarov