Naxçıvan televiziyasının baş redaktoru media təlimində mükafatlandırılıb - FOTOLAR
NUHÇIXAN xəbər verir ki, ekabrın 23-də Beynəlxalq Münasibətlərin Təhlili Mərkəzi (BMTM) və Azərbaycan Respublikası Xarici İşlər Nazirliyinin (XİN) birgə təşkilatçılığı ilə media nümayəndələri üçün “Cənubi Qafqazın yeni sülh arxitekturası, regional diplomatiya və media savadlılığı” mövzusunda təlim keçirilib.
19 media təmsilçisinin iştirak etdiyi təlimdə Naxçıvan televiziyasının İctimai - siyasi məsələlər redaksiyasının baş redaktoru Nicat Quliyev də iştirak edib və sertifikatla mükafatlandırılıb.
Qeyd edək ki, təlimdə BMTM-in İdarə Heyətinin sədri Fərid Şəfiyev, XİN-in Mətbuat xidməti idarəsinin rəisi Ayxan Hacızadə, BMTM-in şöbə müdiri Vasif Hüseynov, BMTM-in aparıcı məsləhətçisi Sultan Zahidov, media nümayəndələri və digər şəxslər iştirak ediblər.
BMTM və Xarici İşlər Nazirliyinin birgə təşkil etdiyi təlimin əsas məqsədi bu proseslər və onların beynəlxalq siyasi əhəmiyyəti barədə media nümayəndələrinin peşəkar və analitik hazırlıq səviyyəsinin artırılmasına töhfə verməkdir.