ABŞ-dan  gələn mütəxəssislər  “Naxçıvan” Universitetində treninq keçiblər - FOTOLAR

NUHÇIXAN xəbər verir ki, Amerika Birləşmiş Ştatlarından  gələn mütəxəssislər  Jack Morris və  İan Bernetin tərəfindən  “Naxçıvan” Universitetində “Təhsildə keyfiyyətə nəzarət sistemlərinin inkişaf etdirilməsi” mövzusunda treninq  keçirilib.

Əvvəlcə ali təhsil ocağının  Beynəlxalq əlaqələr şöbəsinin müdiri Rəcəb Cəfərli bildirib ki, treninqin məqsədi keyfiyyətə nəzarət mexanizminin və mərkəzlərinin yaradılması, universitet heyətlərinin şöbə və onun funksiyası haqqında məlumatlanması, onlayn platformanın yaradılması, keyfiyyətə nəzarət sistemlərinin inkişaf etdirilməsidir.

Vurğulanıb ki, Universitet  Boloniya prosesinə qoşulması və çoxpilləli təhsil sisteminə keçilməsi ilə əlaqədar Almaniyanın, ABŞ-ın, Türkiyənin  və başqa ölkələrin qabaqcıl universitetləri və elmi mərkəzləri ilə sıx əlaqələr qurub və əməkdaşlığı daim genişləndirir. Ümumavropa təhsil layihələrində (TEMPUS, Erasmus, COMOLTE)  universitetin əməkdaşları fəal iştirak edirlər.

Treninq zamanı  mütəxəssislərlə xarici dilin öyrənilməsi zamanı yaranan problemlər və öyrənilməsinin asanlaşdırılması qaydaları da  müzakirə edilib.

                                                                  Seyfur Hacımuradov