Şərurda yol qəzası zamanı qaz xətti sıradan çıxıb, bir sıra kəndlər qazsız qalıb
Şərur rayonunda minik avtomobilinin qaz xəttinə çırpılması nəticəsində xətt yararsız hala düşüb.
NUHÇIXAN xəbər verir ki, rayonda avtoqəza nəticəsində minik avtomobili D-159-luq qaz xəttini qırıb.
Təhlükəsizlik səbəbindən Vərməziyar, İbadulla, Qışlaqabbas, Ərəbyengicə, Qarahəsənli, Tumaslı və Diyadin kəndlərində qaz təchizatı dayandırılıb.
Bərpa işləri yekunlaşan kimi əraziyə təbii qazın verilişi təmin ediləcək.