"Nuhçıxan" media məkanındakı boşluqları məharətlə dolduran mətbuat orqanıdır
“Nuhçıxan” İnformasiya Agentliyinin bir illiyi münasibətilə həmkarlarımızdan və müxtəlif media qurumlarından Agentliyimizin ünvanına təbrik məktubları daxil olmaqdadır. Növbəti təbrik “Naxçıvanxəbərləri.com” İnformasiya Portalından gəlib. Məktubda deyilir:
“Hörmətli həmkarlar,
Mürəkkəb, lakin şərəfli inkişaf yolu keçmiş Azərbaycan milli mətbuatı həmişə xalqımızın şanlı tarixinin güzgüsü olub. Hazırda Azərbaycanda yüzlərlə mətbuat orqanı, informasiya agentliyi, teleradio şirkətləri, sürətlə inkişaf edən internet resursları vətəndaş cəmiyyəti quruculuğunun fəal iştirakçısına çevrilib. Biz çox sevinirik ki, media sahəsinin sürətlə inkişaf etdiyi bir dönəmdə “Nuhçıxan” İnformasiya Agentliyi yarandığı qısa zaman ərzində media məkanındakı boşluqları məharətlə doldura bilib. Muxtar respublikanın Ermənistan tərəfindən zorla salındığı informasiya blokadasının tamamilə yarılmasında, Naxçıvanın tarixi, mədəniyyəti, milli dəyərləri, turizm potensialı, sosial-iqtisadi inkişafının təbliğində “Nuhçıxan” İnformasiya Agentliyinin mühüm rolu var. Hazırda Naxçıvanxəbərləri.com İnformasiya Portalı olaraq “Nuhçıxan” İnformasiya Agentliyinin ilkin mənbədən hazırladığı informasiyalardan geniş istifadə edirik.
Əziz və dəyərli həmkarlar, Sizi Naxçıvan Muxtar Respublikasının ilk rəsmi informasiya agentliyi olan “Nuhçıxan” İnformasiya Agentliyinin fəaliyyətə başlamasının bir illiyi münasibəti ilə səmimi qəlbdən təbrik edirəm. Bu şərəfli işinizdə hər birinizə möhkəm can sağlığı, uzun ömür və xoşbəxtlik, daim bir-birini əvəzləyən yaradıcılıq sevincləri diləyirik. 1 yaşınız mübarək!
Hörmətlə,
Mehman Şabanov
“Naxçıvanxəbərləri.com” İnformasiya Portalının Baş redaktoru