Gənclər Bağında yaz iməcilikləri keçirilib - FOTOLAR
NUHÇIXAN xəbər verir ki, Naxçıvan şəhərinin 2018-ci ildə ölkəmizin “Gənclər Paytaxtı” seçilməsi ilə əlaqədar muxtar respublikamızın rayonlarında və Naxçıvan şəhəri ətrafında Gənclər Bağı salınıb. Bu gün keçirilən iməcilikdə Naxçıvan şəhərindəki gənclər bağında könüllü gənclər 1 hektar ərazidə salınan yaşıllıqlara qulluq göstərib, ərazini alaq otlarından təmizləyiblər. Eyni zamanda bərpa məqsədi ilə quruyan ağacların yerinə yeni meyvə tingləri əkilib və suvarılıb.
Qeyd edək ki, iməciliklərin keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, eyni zamanda atmosferi oksigenlə zənginləşdirmək və ictimaiyyətin diqqətini yaşıllıqların qorunmasına yönəltməkdir.
Sadiq Məmmədov