Biznes qurmaq adı altında 24 min manatlıq dələduzluq edən şəxs saxlanılıb

Sumqayıt şəhərində polisə 24 min manat maddi vəsaitin dələduzluq yolu ilə ələ keçirilməsi haqqında məlumat verilib.

Daxili İşlər Nazirliyindən NUHÇIXAN-a verilən məlumata görə, Sumqayıt Şəhər Polis İdarəsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 42 yaşlı İ.Quliyev saxlanılıb. Ondan psixotrop maddə olan metamfetamin də aşkarlanıb.

Araşdırma zamanı İ.Quliyevin zərərçəkənə birgə biznes qurmaq vədi verərək onun qızıl-zinət əşyalarını satdığı və pulu ələ keçirdiyi məlum olub.

Faktla bağlı cinayət işi başlanılıb, araşdırmalar davam etdirilir.