Naxçıvanda fənn olimpiadalarının respublika mərhələsinin yarımfinal turu keçirilib - FOTOLAR
NUHÇIXAN xəbər verir ki, Respublika fənn olimpiadaları xüsusi istedada malik IX-XI sinif şagirdləri arasında keçirilir.
Naxçıvan şəhər 4 nömrəli tam orta məktəbdə keçirilən olimpiadanın yarımfinal turunda şəhər və rayon mərhələsinin nəticələrinə əsasən 329 şagird iştirak edib. Azərbaycan dili, Tarix, Coğrafiya, Riyaziyyat, Fizika, Kimya, Biologiya, İnformatika olmaqla 8 fənn üzrə keçirilən yarımfinal mərhələsində şagirdlərə 30 test tapşırığı təqdim edilib və biliklərinin yoxlanılmasına 3 saat vaxt ayrılıb. Olimpiadalar keçirilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarının nümayiş etdirmələrinə imkan yaradılmasından ibarətdir.
Yarımfinal turunda minimum 21 sualı düzgün cavablandıran şagirdlər aprel ayında keçiriləcək Azərbaycan üzrə respublika fənn olimpiadalarının final turunda iştirak edəcəklər.
Əbülfəz Dünyamalıyev