Türkiyə mediası mart soyqırımı ilə əlaqədar Naxçıvanda keçirilən tədbiri işıqlandırıb - FOTOLAR
NUHÇIXAN xəbər verir ki, Naxçıvan Muxtar Respublikasında keçirilən 31 Mart Azərbaycanlıların Soyqırımı qurbanlarının xatirəsinə həsr olunmuş ağacəkmə aksiyası ilə bağlı Türkiyənin Kütləvi İnformasiya Vasitələrində məlumatlar paylaşılıb.
Türkiyənin igdirim76.com və serhatbirikim.com.tr saytlarında tədbiri əks etdirən yazı və fotolar yer alıb. Xəbərlərdə qeyd edilir ki, Naxçıvan Muxtar Respublikası Ali Məclisinin Sədri Vasif Talıbov soyqırımı qurbanlarının xatirəsinə həsr olunan ağacəkmədə iştirak edib. Naxçıvan Muxtar Respublikası Ali Məclisinin, Nazirlər Kabinetinin, Ekologiya və Təbii Sərvətlər Nazirliyinin kollektivləri Uzunoba Su Anbarının kənarında 2 hektar badam və 1 hektar üzüm bağı salıb, 4 minə yaxın badam və üzüm tingi əkiblər. Ərazidəki 2 hektar meyvə bağında isə bərpa əkini aparılıb.