Aprel şəhidlərinə həsr olunmuş tədbir keçirilib

NUHÇIXAN xəbər verir ki, Naxçıvan Müəllimlər İnstitutunda şəhidlərin xatirəsinə həsr olunmuş “Aprel döyüşləri – Zəfərin başlanğıcı” adlı tədbir keçirilib.

Tədbir Azərbaycan Respublikasının Dövlət Himninin səsləndirilməsi ilə başlayıb. Sonra Vətən uğrunda qəhrəmanlıq göstərərək canından keçmiş şəhidlərimiz bir dəqiqəlik sükutla yad edilib.

Şəhid ailələrinin nümayəndələrinin də iştirak etdiyi tədbirdə İnstitutun rektoru, tarix üzrə fəlsəfə doktoru, dosent Elbrus İsayev şəhidlərimizin keçdiyi həyat yolu və qəhrəmanlıq salnaməsini bütün gənclərimiz üçün nümunə adlandırıb.

Sonra İnstitutun Təbiət və incəsənət fakültəsinin dekan müavini Çapay Quliyev “Şəhidlər ölməz – Vətən bölünməz” mövzusunda çıxış edib.

Tədbirdə tələbələr vətənpərvərlik mövzusunda yazılan şeirləri bədii qiraət edib, musiqi nömrələri səsləndiriblər. İştirakçılar tələbələrin şəhidlər haqqında hazırladıqları videoçarx və filmləri seyr ediblər.

Sonda şəhid ailələrinin nümayəndələri çıxış ediblər.