Aprel döyüşlərinin 3-cü ildönümü Şərur rayonunda qeyd olundu - FOTOLAR

NUHÇIXAN xəbər verir ki, Şərur Rayon Fizika Riyaziyyat Təmayüllü liseydə Aprel şəhidlərinin xatirəsinə həsr olunmuş tədbir keçirilib.

Şərur Rayon Gənclər və İdman İdarəsinin rəisi Ramil Dadaşov və liseyin direktoru Əli Mehdiyev çıxış edərək Azərbaycan Ordusunun qüdrətindən bəhs ediblər. Vurğulanıb ki, Aprel döyüşləri Azərbaycanın hərb tarixində şanlı səhifə təşkil edir.

Tədbirdə diqqətə çatdırılıb ki, ordumuzun gücünün bariz nümunələrindən biri də Günnüt zəfəridir. Aparılan uğurlu əməliyyatlar nəticəsində Şərur Rayonunun Günnüt kəndi işğaldan azad edilib, sakinlər dədə-baba yurdlarına qayıdıblar. Bu zəfərlərin qazanılmasında Şərur rayonundan olan vətənpərvər oğullarımızda şücaət göstəriblər. Tədbirdə ordumuzun, xalqımızın daha böyük qələbələr qazanacağına əminlik ifadə edilib.

Sonda “Tariximizin qəhrəmanlıq səhifəsi” adlı film nümayiş olunub.

                                                         Turab Hacızadə