DMX-yə ötən ay 5 mindən artıq zəng daxil olub
Cari ilin fevral ayında Dövlət Miqrasiya Xidmətinin (DMX) Çağrı Mərkəzinə daxil olan 5329 zəng cavablandırılıb.
Bu barədə NUHÇIXAN-a DMX-dən məlumat verilib.
Bildirilib ki, zənglərin 1777-si müvəqqəti yaşama icazəsi, 83-ü müvəqqəti olma müddətinin uzadılması, 328-i vətəndaşlıq məsələləri, 434-ü olduğu yer üzrə qeydiyyat, 366-sı daimi yaşama icazəsi, 813-ü iş icazəsi, 205-i inzibati xəta, 1323-ü isə digər məsələlərlə bağlı olub.
Qeyd edək ki, Çağrı Mərkəzi Azərbaycan, rus və ingilis dillərində fasiləsiz fəaliyyət göstərir.