Süni divara dırmanma üzrə təlim-məşq toplantısı keçirilib - FOTOLAR
Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə, Nazirliyin və Naxçıvan Muxtar Respublikası Hava və Ekstremal İdman Növləri Federasiyasının birgə təşkilatçılığı ilə Bakı şəhərində fəaliyyət göstərən Dağçılıq idman məktəbinin rəhbəri, təlimçi-məşqçi Babək İsgəndərov muxtar respublikaya dəvət olunub. Peşəkar mütəxəssis idmançılarla süni divara dirmanma üzrə təlim-məşq toplanışı keçirilib.
Təlim-məşq prosesində federasiyanın məşqçi müəllimləri və 30-dan artıq gənc iştirak edib. Qeyd edək ki, iki gün davam edəcək təlim-məşqlərdən sonra “Naxçıvan Muxtar Respublikası- 95” devizi altında süni divara dırmanma üzrə Naxçıvan Muxtar Respublika birinciliyi keçiriləcək.