Şabranda külli miqdarda narkotik dövriyyədən çıxarılıb, iki nəfər həbs edilib
Narkotik vasitələrin qanunsuz daşınması və saxlanılması ilə məşğul olan şəxslər Şabran Rayon Polis Şöbəsinin əməkdaşları tərəfindən saxlanılıblar.
Daxili İşlər Nazirliyinin mətbuat xidməti idarəsindən NUHÇIXAN-a verilən məlumata görə, keçirilən tədbirlər zamanı Xaçmaz rayon sakinləri – 30 yaşlı Kənan Cəbrayılov və əvvəllər məhkum olunmuş 36 yaşlı Anar Məhərrəmov saxlanılıblar. Onlardan ümumilikdə 7 kiloqram 600 qram marixuana, heroin və həşiş qətranı aşkar edilərək götürülüb.
Faktla bağlı cinayət işi başlanılıb, hər iki şəxsin barəsində məhkəmənin qərarı ilə həbs qətimkan tədbiri seçilib.