Muxtar respublikada son 10 ildə 37 min 283 yeni iş yeri yaradılıb
Son 10 ildə muxtar respublikada 37 min 283 yeni iş yeri yaradılıb. Bunun 33 min 866-sı və ya 90,8 faizi daimi iş yerləridir.
Muxtar respublikanın Dövlət Statistika Komitəsindən NUHÇIXAN-a bildirilib ki, açılmış daimi iş yerlərinin 1488-i yeni yaradılmış müəssisə və təşkilatlarda, 10 min 549-u mövcud müəssisə və təşkilatlarda, 46-sı fəaliyyəti bərpa edilmiş müəssisə və təşkilatlarda, 21 min 783-ü isə fiziki şəxslər tərəfindən yaradılıb.