Qazançı kəndində “Yol əhvalatı” filmi nümayiş edilib

Naxçıvan Muxtar Respublikası Mədəniyyət  Nazirliyinin təşəbbüsü ilə “Azərbaycan kinosu günü” layihəsi həyata keçirilir. Məqsəd vətəndaşlar arasında  milli kinomuzu təbliğ etmək, maraqlı süjet xətti və rejissor işi olan filmləri tanıtmaqdır. 

NUHÇIXAN xəbər verir ki, Naxçıvan  Dövlət  Film  Fondu layihə çərçivəsində Culfa rayon Qazançı kənd Mədəniyyət Evində  kənd  ictimaiyyətinə  “Yol əhvalatı” filminin  nümayişini təşkil edib.

Filmin nümayişindən əvvəl haqqında ətraflı məlumat verilib. Qeyd  edilib ki, iki sevən gəncin məhəbbəti fonunda əliəyrilərin ifşası ilə sona yetən komediya filmi 1980-ci ildə lentə alınıb. Rejissoru Teymur Bəkirzadədir. Quruluşçu operatorlarŞərif Şərifov və  Ələsgər Ələkbərov, bəstəkarı Polad Bülbüloğludur. Rolları Səyavuş Aslan, Həmidə Ömərova, Yaşar Nuri, Hacı İsmayılov, Sofa Bəsrizadə, Eldəniz Zeynalov və digərləri canlandırırlar. 

Film kənd ictimaiyyəti tərəfindən  böyük maraqla qarşılanıb.