Kəngərli rayon gəncləri tənha ahılları ziyarət ediblər - FOTOLAR

NUHÇIXAN xəbər verir ki, Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Naxçıvan Muxtar Respublikası Gənclər Fondunun birgə təşkilatçılığı ilə gənclər Kəngərli rayonunda  sosial xidmət göstərilən tənha ahılların evlərində olub, onları ziyarət ediblər.  

Tənha ahıllara sovqatlar təqdim olunub. Həmçinin gənclər ahıllara göstərilən sosial xidmətlərlə tanış olub, yaşayış sahələrində təmizlik və abadlıq işlərinin aparılmasında, onlar üçün zəruri  ərzaq və məişət üçün lazım olan əşyaların alınmasında köməklik göstəriblər. Ahıl vətəndaşlar onlara göstərilən diqqət və qayğıya görə minnətdarlıqlarını bildiriblər.