Şərurlu gənclərdən maraqlı aksiya - FOTOLAR

NUHÇIXAN xəbər verir ki, Şərur Rayon Uşaq-Gənclər Yaradıcılıq Mərkəzinin dərnək üzvləri maraqlı aksiyaya başlayıblar. Aksiya “Vətənimizi sevək, onun flora və faunasını qoruyaq” devizi altında keçirilir. Dərnək üzvləri hazırladıqları quş yuvalarını yemlə təmin edərək Şərur şəhərindəki istirahət parkında ağaclara bərkidirlər. Bu işdə onların ən böyük dəstəkçiləri isə müəllimləridir.

Dərnək üzvlərinin bu təşəbbüsü digər məktəblilər və sakinlər tərəfindən də müsbət qarşılanıb.

 İndiyədək aksiya çərçivəsində 5 yuva hazırlanıb. Bu maraqlı aksiyanın gələcəkdə də davam etdirilməsi nəzərdə tutulub. Qeyd edək ki, bundan əvvəl Naxçıvan şəhərində də gənclər və məktəblilər tərəfindən quş yuvaları düzəldilərək ağaclardan asılıb.

Turab Hacızadə