Sədərəkdə “Pedaqoji fikir tarixindən” kitabının müzakirəsi olub

NUHÇIXAN xəbər verir ki, Sədərək  rayon Sədərək kənd 1 nömrəli  tam  orta  məktəbində “Pedaqoji  fikir  tarixindən” kitabının  müzakirəsi  keçirilib. Tədbirdə Sədərək rayon Təhsil şöbəsinin əməkdaşları, məktəbin müəllim və şagird kollektivi də iştirak edib.

Tədbirdə Sədərək rayon Təhsil şöbəsinin müdiri Malik İsmayılov, “Pedaqoji  fikir  tarixindən” kitabı haqqında tədbir iştirakçılarına geniş məlumat verib.

Sonra məktəbin Azərbaycan dili və Ədəbiyyat müəllimləri Ülviyyə Zeynalova, Vəfa Həsənova və Tahirə Qasımova kitabla bağlı  çıxışlar edib, pedaqoji təcrübənin qazanılmasında onun əhəmiyyətini vurğulayıblar.

Sonra şagirdlərin ifasında kompozisiya  nümayiş olunub, kitabdakı məqalələrdən parçalar  oxunub və hikmətli fikirlər səsləndirilib.