Oğullar əsgər gedir - FOTOLAR

NUHÇIXAN xəbər verir ki, Azərbaycan Respublikası Prezidentinin Sərəncamına müvafiq olaraq muxtar respublikamızda çağırışçıların hərbi xidmətə yola salınması mərasimlərinə start verilib. Səfərbərlik və Hərbi Xidmətə Çağırış üzrə Dövlət Xidmətinin  Sədərək və Şahbuz Rayon Şöbələrində tədbirlər keçirilib. Yolasalma münasibətilə çıxış edənlər gəncləri təbrik edib, onlara hərbi xidmətdə uğurlar arzulayıblar.  

Çağırışçılar vətənə sədaqətlə xidmət edəcəklərinə söz veriblər. Valideynltranlar, müxtəlif rəsmi qurumların nümayəndələri ordu sıralarına yola düşən gənclərə xoş arzularını çatdırıb.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gəncləri hərbi xidmətə yola salınan Naxçıvan Muxtar Respublikası Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının sədri  Firudin Suleymanov, ədliyyə nazirinin müavini Emin Səfərov, gənclər və idman nazirinin müavini Məcid Seyidov və təhsil nazirinin müavini Ovni Muradov çıxış edərək əlamətdar hadisə münasibətilə çağırışçıları və onların valideynlərini təbrik ediblər.

Tədbirlər Azərbaycan Respublikasının Dövlət Himninin səsləndirilməsi ilə başa çatıb.

                                                                     Əbülfəz  Dünyamalıyev