Ali təhsil ocağında tələbələrin iştirakı ilə tamaşa hazırlanıb - FOTOLAR
Naxçıvan Dövlət Universitetinin Televiziya, mətbuat və ictimaiyyətlə əlaqələr bölməsindən NUHÇIXAN-a bildirilib ki, universitetin İncəsənət fakültəsində Nəcəf bəy Vəzirovun “Ağakərim xan Ərdəbili” komediyası səhnələşdirilib.
Tamaşanın rejissoru Azərbaycan Respublikasının Xalq artisti, Teatr və mədəniyyətşünaslıq kafedrasının müəllimi Kamran Quliyevdir. Komediyada rolları Teatr və mədəniyyətşünaslıq kafedrasının Aktyor sənəti ixtisası üzrə üçüncü kurs tələbələri ifa edirlər.
Qeyd edək ki, Teatr və mədəniyyətşünaslıq kafedrasının nəzdində fəaliyyət göstərən, 1998-ci ildə ictimai əsaslarla yaranan Tələbə Teatrı Naxçıvandakı peşəkar teatrlar üçün ixtisaslı kadrların hazırlanması baxımından olduqca əhəmiyyətlidir.