Ukrayna telekanalı Azərbaycanla bağlı silsilə verilişlərin yayımına başlayır
Ukraynanın tanınmış “5-ci kanal” televiziyasında Azərbaycanla bağlı sisilə reportajların yayımına başlanılır. “Kontinent” teleproqramında ölkəmiz ilə bağlı 4 veriliş yayımlanacaq.
“Kontinent” telelayihəsinin rəhbəri, teleaparıcı Nadia Baziv NUHÇIXAN-a bildirib ki, aprelin 20-də yayımlanacaq ilk veriliş “İçərişəhər”in tarixinə həsr edilib. Daha sonra “ümumilli lider Heydər Əliyev və müasir Azərbaycanın inkişafı”, “Bakının müasir memarlıq abidələri”, ”Azərbaycanda turizmin inkişafı və turistik məkanları” mövzularında reportajlar yayımlanacaq.
Ukraynanın çəkiliş qrupu Bakıda, Naxçıvanda, Şəkidə, Naftalan və Duzdağ kurortlarında, “Savalan” şərab zavodunda olublar.