Oğullar əsgər gedir - FOTOLAR
NUHÇIXAN xəbər verir ki, Ordubad və Culfa rayonlarında çağırışçı gənclər ordu sıralarına yola salınıb
Səfərbərlik və Hərbi Xidmətə Çağırış üzrə Dövlət Xidmətinin Ordubad Rayon Şöbəsində gənclərin müddətli həqiqi hərbi xidmətə yola salınması mərasimi Azərbaycan Respublikasının Dövlət Himninin səsləndirilməsi ilə başlayıb.
Şöbənin rəisi, mayor Vüqar Rəhimli, Rayon Müharibə, Əmək, Silahlı Qüvvələr və Hüquq Mühafizə Orqanları Veteranları Şurasının sədri Fərrux Nağızadə, Rayon İcra Hakimiyyətinin şöbə müdiri Etibar İsmayılov və digər çıxış edənlər bu əlamətdar hadisə münasibətilə çağırışçıları və onların valideynlərini təbrik ediblər.
Valideyn Rza Babayev bu günün qəlbində qürur hissi oyatdığını deyərək çağırışçı gənclərə xoş arzularını çatdırıb.
Çağırışçılar adından çıxış edən Nihad Əliyev vətən torpaqlarının keşiyində mətin dayanacaqlarına, komandirlərin əmr və tapşırıqlarına vaxtında və dəqiq əməl edəcəklərinə söz verib.
Səfərbərlik və Hərbi Xidmətə Çağırış Üzrə Dövlət Xidmətinin Culfa Rayon Şöbəsində çağırışçıların hərbi xidmətə yola salınması mərasimində də əvvəlcə Dövlət Himni səsləndirilib.
Şöbənin rəisi, polkovnik leytenant Vüsal Məmmədov bildirib ki, ölkəmizdəki xalq-ordu birliyinin sarsılmaz vəhdəti düşməndə qorxu yaradıb.
Tədbirdə Culfa Rayon Prokurorluğunun müstəntiqi Afət Kərimli, Rayon İcra Hakimiyyətinin Hüquq şöbəsinin müdiri Elmar Həsənov, YAP Culfa Rayon Təşkilatı Qadınlar Şurasının sədri Xanım Tağıyeva gəncləri hərbi xidmətə yola düşmələri münasibətilə təbrik edib, çağırışçılara Vətənin layiqli əsgəri olmağı, torpaqlarımızın keşiyində ayıq-sayıq dayanmağı tövsiyə ediblər.
Valideyn Yusif Hümbətov övladının hərbi xidmətə yola salınmasından qürur hissi keçirdiyini bildirib.
Çağırışçılar adından çıxış edən İlkin Seyidov ən böyük arzularının işğal altında olan torpaqlarımızı düşmən tapdağından azad etmək olduğunu bildirib.
Röyal Kərimov