Sağlamlıq imkanları məhdud şəxslərə səyyari protez-ortopedik xidmətləri göstərilib

Muxtar respublikada sağlamlıq imkanları məhdud şəxslərə tibbi-sosial reabilitasiya xidmətləri göstərilir. Onların zəruri sosial problemlərinin həlli və vaxtaşırı tibbi müayinədən keçmələri təmin edilir. 

NUHÇIXAN xəbər verir ki, bu məqsədlə, Uşaq Bərpa Mərkəzində və Əlillərin Bərpa Mərkəzində göstərilən xidmətlərin həcmi və keyfiyyəti daha da artırılır. Həmçinin, Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə  sağlamlıq imkanları məhdud şəxslərə protez-ortopedik xidmətlərinin göstərilməsi də daim diqqət mərkəzində saxlanılır. Bu istiqamətdə həyata keçirilən tədbirlərin davamı olaraq, Naxçıvan  Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə  Naxçıvan Protez-Ortopedik Bərpa Mərkəzinin tibbi-texniki heyətinin iştiraki ilə səyyari xidmət təşkil edilib.  Xidmət zamanı  məhdud fiziki  imkanlı  şəxslərin 2 nəfərindən  protez və ortez sifarişləri  qəbul  edilib, 2  nəfərin  protezləri təmir edilib, 1 nəfərə  isə köməkçi reabilitasiya vasitələri təqdim edilib.