Yazıçı və şairlər tələblərlə görüşüblər - FOTOLAR

NUHÇIXAN  xəbər verir ki, “Naxçıvan” Universitetində  Naxçıvanda yaşayıb-yaradan şair və yazıçılarla görüş olub.

Universitetin prorektoru Hüseyn Bağırsoylu muxtar respublikada elmi mühitin inkişafı üçün hərtərəfli şəraitdən bəhrələnən yazarlarla belə görüşlərin keçirilməsinin tələbələrin dünyagörüşündə əhəmiyyətli rol oynadığını vurğulayıb.

Sonra Naxçıvan Muxtar Respublikası Yazıçılar Birliyinin sədri Asim Yadigar bildirib ki, bu cür tədbirlərdə məqsəd son illərdə muxtar respublikada geniş vüsət alan inkişaf və tərəqqi haqqında söhbət açmaq, bu prosesin ədəbiyyatda salnaməsini yaradan qələm sahiblərinin fəaliyyəti barədə danışmaq, tələbələrə müasir yazar və şairlərimizi daha yaxından  tanıtmaqdır. 

Tədbirdə Yazıçılar Birliyinin üzvlərindən  Asim Yadigar, İbrahim Yusifoğlu, Əbülfəz Ülvi, Həsənəli Eyvazlı, Zeyqəm Vüqar, Elxan Yurdoğlu Ümummilli lider Heydər Əliyevə, Azərbaycana, Naxçıvana, Vətənə həsr etdikləri şeirlərindən nümunələr səsləndiriblər

Daha sonra Naxçıvan Muxtar Respublikası Yazıçılar Birliyi tərəfindən gətirilən kitablar ali təhsil ocağının kitabxanasına hədiyyə olunub.

Seyfur Hacımuradov