Naxçıvanda “Karyera sərgisi 2026” keçirilir - FOTOLAR
NUHÇIXAN xəbər verir ki, Naxçıvan Muxtar Respubilkasında Azərbaycan Respubilkası Prezidentinin səlahiyyətli nümayəndəliyi, Naxçıvan Muxtar Respublikası Nazirlər Kabineti və Naxçıvan Dövlət Universitetinin təşkilatçılığı ilə 23-24 iyun tarixlərdə “Karyera sərgisi 2026” keçirilir.
“İstedad və imkanların qovuşduğu məkan” şüarı ilə təşkil olunan sərgi Naxçıvan şəhərinin "Böyük bağ" ərazisində baş tutub.
Sərgidə dövlət və özəl qurumların nümayəndələri və müxtəlif şirkətlərin əməkdaşları iştirak edir, tələbə və məzunlar üçün iş və təcrübə imkanları təqdim olunur. Tədbir iştirakçıları potensial işəgötürənlərlə birbaşa ünsiyyət qurmaq, karyera imkanları ilə tanış olmaq və peşəkar əlaqələrini genişləndirmək imkanı əldə edəcəklər.