Siyaqut kəndində yeni mərasim evi istifadəyə verilib - FOTOLAR

NUHÇIXAN xəbər verir ki, Şərur rayonunun Siyaqut kəndində yeni mərasim evi istifadəyə verilib.       

Şərur Rayon İcra Hakimiyyətinin başçısı Kamal Cəfərov qeyd edib ki, yeni tikilən mərasim evləri  dövlət-xalq-sahibkarlar arasında olan birliyin daha bir ifadəsidir.

Kənd sakini Aydın Talıbov isə mərasim evlərinin tikilməsində dövlətlə yanaşı, sahibkarlar, kəndlərin imkanlı sakinləri də fəallıq göstərdiklərini bildirib.

Çıxış edənlər dövlətimizə minnətdarlıq ediblər.

Sonda yeni tikilən mərasim evində ehsan süfrəsi açılıb, şəhidlərimizin ruhuna dualar oxunub.

Qeyd edək ki, ötən dövrdə Şərur  rayonunda 21 mərasim evi tikilərək istifadəyə verilib. Hazırda rayonun Qarxun, Sərxanlı, Püsyan, Çəmənli və Aşağı Yaycı kimi 10-dan artıq kəndində mərasim evlərinin inşası aparılır.

       Turab Hacızadə