Rayon və kəndlərdə qaz xətləri yenilənir - FOTOLAR
NUHÇIXAN xəbər verir ki, “Naxçıvanqaz” İstehsalat Birliyi tərəfindən ehtiyac duyulan ərazilərdə qaz xətləri yenilənir.
“Naxçıvanqaz” İstehsalat Birliyi Şərur, Kəngərli, Şahbuz və Culfa rayonlarında Naxçıvan şəhərinin Qaraxanbəyli kəndində, Babək rayonunun Hacıvar və Məzrə kəndlərində, Ordubad rayonunun Aza kəndində istismarda olan yeraltı müxtəlif diametrli korriziyaya uğrayan paylayıcı xətlərin yerüstü xətlərlə əvəz olunması istiqamətində müxtəlif işlər görüb.
Təmir bərpa zamanı müvəqqəti olaraq polietilen borudan istifadə etməklə istehsalçılara fasiləsiz təbii qaz verilir. Hazırda Babək rayonunun Gülşənabad və Kültəpə kəndlərində, Şərur rayonunun Muğancıq Müslüm kəndində, Şahbuz rayonunun Badamlı qəsəbəsində təmir-bərpa işləri görülür.
Sadiq Məmmədov