Tibbi xidmətlərdə 20 faiz güzəşt
Naxçıvan Muxtar Respublikası Səhiyyə Nazirliyinin mətbuat xidmətindən NUHÇIXAN-a verilən xəbərə görə, Naxçıvan Muxtar Respublikası Diaqnostika-Müalicə Mərkəzi Publik Hüquqi şəxsində vətəndaşlara göstəriləcək tibbi xidmətə bayram güzəştləri ediləcək. Güzəştlər ümumilli lider Heydər Əliyevin anadan olmasının 96 illiyi ilə əlaqədar olaraq həyata keçirilir. May ayının 1-dən 31-dək vətəndaşlara göstəriləcək tibbi xidmətlərə 20 faiz həcmində güzəştlər olunacaq.
Bu müddətdə vətəndaşlar Diaqnostika-Müalicə Mərkəzində həyata keçirilən tibbi xidmətin ambulator, laborator müayinələrindən yararlana bilərlər. Pasientlərə ay ərzində stasionar müayinə-müalicə təminatı da verilir. Onlar həmçinin cərrahi xidmətlərlə əhatə ediləcək və həkim məsləhəti alacaqlar.