Tələbələr Nəsiminin 650 illiyinə kompozisiya həsr ediblər - FOTOLAR

NUHÇIXAN xəbər verir ki,  Naxçıvan Müəllimlər İnstitutunda  Azərbaycanın  dahi  filosof şairi İmadəddin  Nəsiminin  650 illiyi ilə  bağlı tədbir keçirilib.  

Tədbirdə İnstitutun rektoru Elbrus İsayev Azərbaycan xalqının   mənəviyyat  xəzinəsində layiqli yer tutan, ana dilli  şeirimizi  fəlsəfi-poetik  düşüncələri  ilə zənginləşdirən İmadəddin Nəsiminin  klassik  Azərbaycan ədəbiyyatının formalaşmasında rolu,  mütəfəkkir şairin dərin elmi-fəlsəfi  baxışlarının  dünya poeziya  nümunələrinə təsirindən danışıb.

Sonra  Tələbə teatr  studiyası tərəfindən hazırlanan "Məndə sığar iki cahan" adlı ədəbi-bədii kompozisiya tamaşaçılara  təqdim edilib.  Tələbələrin  hazırladığı,  xüsusən  Nəsiminin  edam  olunmasını əks etdirən səhnələr tədbir  iştirakçıları tərəfindən maraqla  qarşılanıb.