Yaşıllıqlara qayğı diqqət mərkəzindədir
Muxtar respublikamızda ekoloji problemlərin həlli, ətraf mühitin qorunması, təbiətin zənginləşdirilməsi ümumxalq işinə çevrilib. Son illərdə Culfa rayonunda da yaşıllıq sahələrinin həcminin artırılması, yurdumuzun yaşıllıqlar məskəninə çevrilməsi məhz belə tədbirlərin nəticəsidir.
Hər şənbə günü davam edən yaşıllaşdırma tədbirləri də yüksək səviyyədə təşkil olunur. Həmin gün vətəndaşlar “Gənclər bağı”nda yaşıllıqlara aqrotexniki qulluq göstəriblər. Əlincə çayı boyunca yerləşən kəndlərdə isə yol kənarlarındakı ağacların dibləri alaq otlarından təmizlənib, gövdələri ağardılıb, suvarma işləri həyata keçirilib.
İdarə, müəssisə və təşkilatlara məxsus sahədə, “Əlincəqala” Tarix-Mədəniyyət Muzeyi və Gülüstan Tarix-Mədəniyyət Qoruğunun ətrafındakı ərazilərdə də qələbəlik müşahidə edilib. Yaşıllıq zolaqlarına, gülkarlıq sahələrinə aqrotexniki qulluq göstərilib. İməcilik iştirakçıları fəallıq nümayiş etdirərək rayonun ekologiyasına öz töhfələrini verməyə çalışırlar.
“Arazın səsi”qəzeti