Kəngərli məktəbliləri “9 May - Qələbə Günü”nü qeyd ediblər - FOTOLAR
NUHÇIXAN xəbər verir ki, Kəngərli Rayon Təhsil Şöbəsinin təşkilatçılığı ilə Xok kənd tam orta məktəbində “9 May–Qələbə Günü”nün 74-cü ildönümünə həsr olunan tədbir keçirilib.
Tədbir Azərbaycan Respublikasının Dövlət Himninin səsləndirilməsi ilə başlayıb və Böyük Vətən Müharibəsi və Qarabağ uğrunda həlak olanların ruhu bir dəqiqəlik sükutla yad edilib.
Sonra Kəngərli Rayon Təhsil Şöbəsinin müdiri Emin Məmmədxanlı İkinci Dünya Müharibəsində alman faşizmi üzərində qələbənin əldə olunmasında Azərbaycan xalqının rolundan danışıb. Tədbirdə çıxış edənlər xalqımızın igid oğlan və qızlarının konkret misallarla rəşadətli döyüş yolundan söz açıblar.
Tədbirin sonunda şagirdlər tərəfindən “9 May – Qələbə Günü” nə həsr edilən şeirlər səsləndiriblər .