“Naxçıvan-2019” Beynəlxalq Şahmat Festivalı iştirakçılarının tur gəzintisi davam edir - FOTOLAR

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə, “Naxçıvan-2019” Beynəlxalq Şahmat Festivalı iştirakçıları üçün növbəti tur gəzintisi təşkil edilib. Şahmatçılar “Xan Sarayı” Dövlət Tarix-Memarlıq Muzeyi və  Möminə Xatın türbəsi və Açıq Səma Altında Muzey Kompleksində olublar. Burada onlara Naxçıvan xanlığının dövlətçilik tarixindəki rolu və tarixi şəxsiyyətlər haqqında məlumat verilib. Sonra qonaqlar qədim musiqi alətlərinin hazırlanması ilə tanış olub, hədiyyələr mağazasına baxıblar.