Vətəndaşlar DSMF-yə ən çox hansı məsələlərlə bağlı müraciət edirlər?
Bu ilin yanvar-iyul ayları ərzində Dövlət Sosial Müdafiə Fondunun (DSMF) fəaliyyət istiqamətləri üzrə ümumilikdə 267 min 491 vətəndaş müraciəti qeydə alınıb.
Bu barədə NUHÇIXAN-a DSMF-dən bildirilib. Müraciətlərdən 105 min 267-si pensiya, 68 min 445-i müavinət, 10 min 859-u Prezident təqaüdü, 43 min 165-i ünvanlı dövlət sosial yardımı, 9 min 215-i fərdi uçot və sosial sığorta, 770-i dövlət icbari şəxsi sığorta, 29 min 770-i isə digər istiqamətlərlə bağlı olub.