Naxçıvan Qarnizonunda hərbi qulluqçular arasında atış birinciliyi keçirilib - FOTOLAR

Əlahiddə Ümumqoşun Ordunun mətbuat xidmətindən NUHÇIXAN-a verilən məlumata görə, ümummilli lider Heydər Əliyevin anadan olmasının 96-cı ildönümü münasibəti ilə hərbi qulluqçular arasında atış birinciliyi keçirilib.

9 mm-lik PM tapançasından keçirilən atış birinciliyində Naxçıvan Qarnizonu üzrə 24 komandadan 72 hərbi qulluqçu iştirak edib. Qadın hərbi qulluqçuların da mübarizə apardığı birincilikdə komanda hesabında 1-ci və 2-ci yerə motoatıcılar, 3-cü yerə isə xüsusi təyinatlılar layiq görülüb. Fərdi hesabda 1-ci yerdə polkovnik Tehran Mənsimov, 2-ci yerdə mayor Fərid Süleymanov, 3-cü yerdə isə gizir Elsevər Quliyev qərarlaşıb. Qadınlar arasında ən yaxşı nəticəni gizir Leyla Babayeva göstərib. Qaliblərə Əlahiddə Ümumqoşun Ordu Komandanlığı tərəfindən fəxri fərman  və diplomlar təqdim edilib.

Nəriman Nəcəfov