Şahbuz rayonunda tibbi aksiya

NUHÇIXAN xəbər verir ki, Naxçıvan Muxtar Respublikası Mərkəzi Uşaq Xəstəxanasının həkim briqadası ulu öndər Heydər Əliyevin anadan olmasının 96-cı ildönümü münasibətilə mayın 10-da Şahbuz Rayon Mərkəzi Xəstəxanasında humanitar tibbi aksiya keçirib.

Əvvəlcə yerli tibb işçiləri tərəfindən cərrahi əməliyyata ehtiyacı olan uşaqların müayinəsi aparılıb və onlar xəstəxanaya dəvət ediliblər.

Briqadada 2 əməliyyat, 2 anesteziologiya üzrə tibb bacısı və sanitarlar təmsil olunublar. Aksiya müddətində 20 uşaq üzərində fimoz əməliyyatı aparılıb. Onlar bir neçə saat həkim müşahidəsi altında saxlanıldıqdan sonra evə buraxılıblar. 3 uşaq üzərində isə hernioplastika cərrahiyəsi aparılıb.

Yerli həkim və orta tibb işçiləri tərəfindən briqadanın səmərəli fəaliyyəti üçün lazımi şərait yaradılıb.

                                                                Novruz Məmmədov