Şahbuzda qəza baş verib, 2 nəfər xəsarət alıb
NUHÇIXAN xəbər verir ki, Şahbuz rayonunun Ağbulaq-Gömür kəndləri arasındakı yolda yol-nəqliyyat hadisəsi baş verib.
Hadisə zamanı “Niva” və “Fiat” markalı avtomobillər toqquşub. Nəticədə Ağbulaq kənd sakinləri – 1993-cü il təvəllüdlü Həsənova Aysel Bəylər qızı və 1988-ci il təvəllüdlü Həsənova Mədinə Vilayət qızı xəsarət alıblar.
Yaralılar Naxçıvan Muxtar Respublika Xəstəxanasının Təcili tibbi yardım şöbəsinə yerləşdiriliblər.
Hadisə yerinə polis əməkdaşları cəlb olunub. Faktla bağlı araşdırma aparılır.