Dəmir yolunun Bakı-Ağstafa-Bakı marşrutu üzrə əlavə reyslər təşkil ediləcək
Sərnişin tələbatının artması nəzərə alınaraq sentyabrın 19-u və 20-də Bakı–Ağstafa–Bakı marşrutu üzrə əlavə qatar reysləri həyata keçiriləcək.
Bu barədə NUHÇIXAN-a “Azərbaycan Dəmir Yolları” QSC-dən (ADY) bildirilib.
“Eyni zamanda, Bakı–Qazax–Bakı marşrutu üzrə ənənəvi hərəkət cədvəlinə uyğun olaraq gündəlik səfərlər təşkil edilir. Sərnişinlər qatar biletlərini dəmir yolu kassalarından, ADY-nin rəsmi internet saytından və “ADY Mobile” tətbiqindən əldə edə bilərlər”, - deyə məlumatda qeyd olunur.