Şərur rayonunda kartof əkinləri davam etdirilir
NUHÇIXAN xəbər verir ki, Şərur rayonunda torpaq mülkiyyətçiləri növbəti məhsul üçün kartof əkinini davam etdirirlər. Kartof əkiləcək sahələrdə lazımi hazırlıq işləri görülüb, şum qaldırılıb, üzvi gübrələr verilib.
Muxtar respublikanın torpaq iqlim şəraiti kartofçuluğu inkişaf etdirməklə əhalinin ilboyu yerli kartof məhsulu ilə təmin olunmasına imkan verir. Ən böyük aqrar rayonu olan Şərurda bu sahədə hər il yüksək məhsul əldə olunur. Təkcə ötən il 1076 hektar əkin sahəsindən 16 min 357 ton kartof istehsal edilib.
Mütəxəssislərin məsləhətinə uyğun olaraq torpaq mülkiyyətçiləri kartof əkinləri aparılan sahələrdə kolaroda kartof böcəyinə qarşı dərmanlama aparırlar.
Turab Hacızadə