Basketbol üzrə Naxçıvan Muxtar Respublikası turnirinə start verilib
Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən xəbərə görə, ümummilli lider Heydər Əliyevin anadan olmasının 96-cı ildönümünə həsr olunmuş “Heydər Əliyev kuboku” uğrunda basketbol üzrə Naxçıvan Muxtar Respublikası turnirinə start verilib. Yarış 2002-2003-cü il təvəllüdlü yeniyetmə oğlanlar arasında keçirilir. Turnirdə 4 komanda-Naxçıvan şəhər, Ordubad, Babək və Şərur rayon komandaları olmaqla ümumilikdə 50-ə yaxın idmançı iştirak edir. Dairəvi sistem üzrə keçirilən yarış 2 gün davam edəcək.