Məhkumun həbs olunmamışdan əvvəl torpağa basdırdığı silah-sursat aşkar edilib - FOTOLAR
Ədliyyə Nazirliyi və Daxili İşlər Nazirliyi birgə əməliyyat keçirib.
Ədliyyə Nazirliyinin mətbuat xidmətindən NUHÇIXAN-a bildirilib ki, keçirilmiş əməliyyat-axtarış tədbiri nəticəsində Ədliyyə Nazirliyinin Penitensiar xidmətinin cəzaçəkmə müəssisəsində cəza çəkən məhkum tərəfindən həbs edilməmişdən əvvəl Bakı şəhəri, Xəzər rayonunun Şüvəlan qəsəbəsindəki çimərlik ərazisində yerləşən köhnə tikilinin yanında torpağa basdırılaraq gizlədilmiş 1 ədəd “AKM 74” markalı avtomat silah, ona məxsus 4 daraq və 105 ədəd 5,45 millimetr kalibrli güllə aşkar edilərək götürülüb.
Faktla bağlı araşdırma aparılır.