"ASAN xidmət" mərkəzində “Ekoloji məsuliyyət və davamlı gələcək” mövzusunda maarifləndirici görüş keçirilib - FOTOLAR

NUHÇIXAN xəbər verir ki, Naxçıvan regional “ASAN xidmət” mərkəzinin cari könüllülərinin təşəbbüsü ilə “Ekoloji məsuliyyət və davamlı gələcək” mövzusunda maarifləndirici görüş keçirilib. 

Görüşdə Naxçıvan Muxtar Respublikası Ekologiya və Təbii Sərvətlər Nazirliyinin və ASAN xidmət mərkəzinin əməkdaşları və könüllülər iştirak ediblər.

Görüş çərçivəsində ətraf mühitin mühafizəsinin əhəmiyyəti, təbii sərvətlərdən səmərəli istifadə, tullantıların azaldılması, təkrar emalın təşviqi və gündəlik həyatda ekoloji davranış qaydalarının tətbiqi barədə məlumat verilib. 

İştirakçılara ətraf mühitin qorunmasının yalnız aidiyyəti qurumların deyil, hər bir vətəndaşın məsuliyyəti olduğu diqqətə çatdırılıb.

Sonda mövzu ətrafında fikir mübadiləsi aparılıb, iştirakçıların sualları cavablandırılıb.

Görüşün keçirilməsində əsas məqsəd gənclərin ətraf mühitin mühafizəsi sahəsində biliklərini artırmaq, onlarda ekoloji məsuliyyət hissini gücləndirmək və təbiətin qorunmasına yönəlmiş təşəbbüslərdə fəal iştiraklarını təşviq etmək olub.