“Naxçıvandan Konyaya bir körpü: Nemətullah Naxçıvani” adlı Beynəlxalq tədbir keçiriləcək

NUHÇIXAN xəbər verir ki, Naxçıvan Muxtar Respublikasının Gənclər Fondunun maliyyə dəstəyi ilə AMEA Naxçıvan Bölməsinin Gənc Alim və Mütəxəssislər Şurasının layihəsinə əsasən “Naxçıvandan Konyaya bir körpü: Nemətullah Naxçıvani” layihəsi reallaşdırılacaq.

Layihə çərçivəsində Konya şəhərində yerləşən Səlcuq Universitetində Beynəlxalq Konfrans təşkil olunacaq, Nemətullah Naxçıvaninin Ağşəhərdə yerləşən türbəsinə və mütəfəkkirin adını daşıyan İmam Hatib dini orta məktəbə ziyarətlər təşkil olunacaq. Layihənin keçirilməsində əsas məqsəd orta əsrlər dövründə Osmanlı torpaqlarında yaşayıb fəaliyyət göstərən böyük islam alimi Nemətullah Naxçıvaninin həyatı və irsinin toplanması, nəşri, tədqiqi, təbliğidir.

Heyətin tərkibində Naxçıvan Dövlət Televiziya və Radio Verilişləri Komitəsinin əməkdaşları da iştirak edərək çəkilişlər aparacaqlar.

Qeyd edək ki, Nemətullah Naxçıvani yaradıcılığının öyrənilməsi və tədqiq edilməsi məqsədi ilə Naxçıvan Muxtar Respublikası Ali Məclisinin Sədri cənab Vasif Talıbov 29 oktyabr 2018-ci il tarixində Sərəncam imzalayıb.